Gwaro racho rakandidaidza kuti ndipinde mudare reHarare mukati memwedzi miviri. Chichemo chakanyorwa chakazara nemashoko anoti: “Will yakasainwa zvine kusawirirana, pfuma yeDerrick inofanira kudzoserwa kumhuri yake.” Vakataura zvese zvandaisazombofungidzira: kuti ini ndakanga ndine hukama hwepabonde hwakakanganisa, kuti mari yaDerrick yakashandiswa kundinyengera, uye kuti Leon, kunyange ari ropa rake, aifanira kurairirwa nemhuri chaiyo, kwete neni.
Ndakaramba ndakagara pasi kwekanguva, ndichibata gwaro racho neminwe inodedera. Ndakayeuka mashoko aDerrick mutsamba yake yokupedzisira: “Ndiwe chete wandinoziva kuti unogona kuvimba naye.” Asi nguva iyoyo shoko rekuti “kuvimba” rakaita sekurema — nekuti kuvimbika kunoda simba, uye simba randakanga ndisina nguva iyoyo.
Ndaifanira kuudza vana. Ndakasarudza kuita zvishoma nezvishoma. Leon ndiye akabvunza chokutanga. Akauya achibata maoko angu, akati:
“Amai, sei tichienda kuguta gore rino kakawanda? Ndanzwa vanhu vachiti tiri kupikiswa.”
Ndakatarisa maziso ake ane kusagadzikana, ndikati zvinyoronyoro: “Vamwe vanhu vari kuda kutora zvinhu zvatakapiwa naBaba vako. Asi usatye, zviri pamutemo kuti zvinhu izvi ndezvedu. Ini ndichaita zvese zvinodiwa kuti tigare tiri pamwe chete.”
Asi mukati maishaya rugare. Ndakaziva kuti kudare, chokwadi hachisi nguva dzose chinokunda. Pane nguva pfupi dzinozadzwa nemari, nesimba, nevanhu vanogona kutenga nzira dzekururamisira.
Pakati pekutya uku, hupenyu hwairamba huchifamba. Ndaienda kumafarm kuongorora basa, ndichishanda nevashandi kuti zvinhu zvifambe. Pane rimwe zuva ndakamira pa market kuHarare kuti nditore zvinhu zvishoma. Ndipo pandakasangana nemurume achange ave kuzova nhoroondo mune hupenyu hwangu.
Zita rake raive Tawanda Murehwa, murume ane makore makumi matatu nemanomwe, akanga ari muridzi we hardware shop muMasasa. Akanga asina kupfeka zvakanyanyisa, asi zvaiwoneka kuti aiva munhu akazvimirira. Akati ndakamubhadhara zvinhu zvangu, akanditarisa zvine ruremekedzo asiwo neruchiva rwakadzama.
“Ah, imi ndimi madam Derrick?” Akabvunza, achizvidzora.
Ndakangonyemwerera zvishoma, ndichiti: “Hongu, asi ndiri Shanillar. Please, regai kundidaidza nezvake. Ini ndiri ini.”
Akaseka zvinyoro, achiti: “Zvakanaka, Shanillar. Vanhu vanotaura zvakawanda nezvenyu muMasasa, asi zvino ndiri kuona kuti imi hamusi sezvavanotaura.”
Mashoko ake akandibata. Zvaiita sekuti munhu uyu aiona kupfuura makuhwa. Kwekutanga mushure mekufa kwaDerrick, ndakanzwa sekunge mumwe munhu aida kuziva kuti ndiri ani, kwete kuti ndine chii.
Takazotanga kutaura nguva nenguva patinosangana. Dzimwe nguva akandibatsira kutakura zvinhu, dzimwe nguva taitaura nezvemabhizinesi. Asi zita rake rakakurumidza kupararira. Vamwe vakadzi vemusika vakatanga kunditarisa zvakashata. Vamwe vakati: “Ko zvino ava kutanga kutsvaga murume mutsva? Derrick achangofa.”
Ndakaziva mashoko aya achasvika kuhama dzaDerrick. Uye hazvina kutora nguva. Tete Dinnah vakazondidaidza vakanditi: “Saka kana waguta nepfuma, wava kutsvaga murume mutsva? Wakambofunga kuti zvino zviri kupa chimiro kudare here? Vanhu vachati will yakasainwa pasi pesvuto.”
Ndakafema zvinyoro, ndikati: “Handina zvandiri kutsvaga. Ndingori munhu anoda shamwari dzekutaura nadzo.” Asi mukati maishaya chokwadi — zvimwe chikamu changu chaiva chiri kutanga kumuka zvakare, chikamu chakanga chadzimwa nerufu rwaDerrick.
Pakarepo, zvakava zvakaoma. Kudare, magweta avo vakatanga kushandisa nyaya dzaTawanda semufananidzo wekuti ini handina kusiri “mukadzi akavimbika” asi ndiri munhu ari kutsvaga mari nemurume mutsva. Vakataura zvinhu zvandisingazivi kuti vakazviunganidza sei, asi zvese zvakanga zvichitarira kupwanya mufananidzo wangu.
Musi wekutanga kuenda kudare, ndakapfeka roora rakapfava, rine ruvara rwechena rakaita sekuchena kwekutanga. Ndakabata ruoko rwaLeon neLarona. Vese vaiva nemaziso ane kutya asi vakamira nesimba padivi pangu. Pakati pavanhu vazhinji, ndakawona Tawanda akamira kunze, asingatauri, asi akandipa only a nod yekutsigira.
Kunyange zvazvo dai ndingadai ndakatyisa, panguva iyoyo ndakaziva kuti handisisiri ndega. Ndakanga ndisina baba vevana ava, asi ndaiva munhu akatsunga kumira parutivi rwavo kusvikira pakupedzisira.
Nyaya yakatanga, magweta vachipokana, vamwe vachiparura mashoko ekundishora, vamwe vachinditsigira nemagwaro akasainwa. Ndakagara ndichiteerera, moyo wangu uchirovera zvakaita sekuda kubuda. Asi mumwoyo makanga mune shoko rimwe chete richingodzokorora: “Ndiwe chete wandinoziva kuti unogona kuvimba naye.”
Asi pandakanga ndichibuda mudare iroro musi wekutanga, zvimwe zvakaitika. Ndichibata ruoko rwaLarona, ndakanzwa maziso evanhu vakawanda achinditevera, vamwe vachinyemwerera zvakaipa, vamwe vachingopururudza nekutinhira maoko zvishoma. Pakati pavo, ndakawona munhu asingazivikanwe, akamira pedyo nemotokari yakasviba. Akanga achinditarisa zvine hukasha, uye paakandiona ndichitarisa, akangopinda mumotokari yake, ndokubva aenda.
Pandakapinda mumba husiku ihwohwo, ndakanzwa kuti hondo iyi haina kungova yemutemo chete, asi yakanga yava nemimvuri yakadzika kupfuura zvandaisambofungidzira. Zvese zvandanga ndichiedza kuchengetedza zviri pasi pemunwe wemadimikira, uye ndakaziva kuti Chapter rinotevera muupenyu hwangu raizova rakaoma kupfuura ese.
End of Chapter Four
With Love, Shanillar